İdeologiya.az Facebook-da

Zəhmət olmasa 7 saniyə gözləyin... Bağla
Mələklər bu evlərə girməzlər |


Son dəqiqə

son xeber > CƏMİYYƏT > Mələklər bu evlərə girməzlər

Mələklər bu evlərə girməzlər
Tarix : 14 Avqust 2014 14:42

“İslam.az” saytının dərc etdiyi məqalə marağımızı cəlb etdiyindən onu diqqətinizə çatdırırıq.

Bir evə mələklərin daxil olması o evə xeyir-bərəkətin, əmin-amanlığın, sülh və salamatlığın gəlməsi deməkdir. Əksinə, bir evdən mələklərin uzaq olması əslində, o evin və sakinlərinin Allahın mərhəmətindən, bərəkətdən məhrum qalması mənasına gəlir.

Mələklərin nifrət etdiyi və yaxın düşmədiyi canlılar donuz və itdir. Təsadüfi deyil ki, mələklər hər növ canlının cildinə girə bilərlər, yalnız donuz və it qiyafəsini almazlar. Çünki bu heyvanlar İslamda zatən (öz-özlüyündə, kənardan bulaşmadan) murdar sayılırlar və onların rütubətli halda toxunduğu hər şey pak olunmalıdır. Ona görə də mələklər it saxlanılan evə qədəm basmazlar. Əlbəttə, həyətdə saxlanılan keşikçi iti istisnadır, söhbət evin içində it saxlamaqdan gedir. İmam Cəfər Sadiq (ə) buyurmuşdu ki, mələklər it olan evə daxil olmazlar (Şeyx Səduq. Mən la yəhzürühül-fəqih, 1-ci cild, səh. 246, hədis 743).

Mələklər pak və məsum olduqları üçün murdarlıqdan uzaq dururlar. Ona görə də murdarlığa bulaşmış yerə yaxın düşməz, murdarlıq olan evə girməzlər. Əllamə Süyuti “Sünənün-Nəsai”yə yazdığı şərhdə Peyğəmbərin bu hədisini qeyd edir: “Sidik evdə qabın içində qalmasın. Həqiqətən, sidik olan evə mələklər girməzlər”.

Həzrət Mühəmməd Peyğəmbər (s) buyurub: “Cəbrail mənim yanıma gəlib dedi: “Biz mələklər içində it və bədən timsalı (heykəl və rəsm) olan, bir də sidik qabı olan evə girmərik” (Biharül-ənvar, 73-cü cild, səh. 159). Buradan aydın olur ki, mələklərin yaxın düşmədiyi və nifrət etdiyi əşyalardan biri də canlıların heykəli və rəsmidir. İslamda canlı varlıqların rəsmini çəkmək yaxşı qarşılanmır. İslam tarixinin ilk dövrlərindən başlayaraq uzun müddət bu hərəkət qadağan edilmişdi. Hal-hazırda insan və heyvan rəsmi çəkmək mövzusunda alimlərin fikri haçalansa da, hər halda bunun çox da bəyənilmədiyi məlum həqiqətdir. İmam Mühəmməd Baqirin (ə) də buyurduğuna görə, Cəbrail, içində insan rəsmi olan evə qədəm basmadığını Peyğəmbərə bildirmişdi (yux. mənbə).

Mələklər insanı Allahdan uzaqlaşdıran mənasız əyləncələrdən də xoşlanmazlar. İnsanın şəhvətini artıran, onu mənəviyyatdan uzaq salan, vaxtın əbəs yerə itirilməsinə yol açan hərəkətlər Allahın xoşuna gəlmədiyi üçün, mələklərin də narazılığına səbəb olar və onlar bu cür işlərin görüldüyü məkanlardan uzaq durarlar. Həzrət Mühəmməd Peyğəmbər (s) buyurub: “İçində məstedici içki (xəmr), dəf (zərb aləti), tənbur (simli alət) və nərd olan evə mələklər daxil olmazlar. Bu evdəkilərin duaları müstəcab olmaz və Allah oradan öz bərəkətini uzaqlaşdırar” (Əl-Kafi, 6-cı cild, səh. 433). Başqa bir hədisdə qumar alətləri də bura aid edilib. Ğina adlanan haram musiqi sədaları da mələkləri özündən uzaqlaşdırar. İmam Cəfər Sadiqin (ə) buyurduğu kimi, “içində ğina olan ev faciəli hadisələrdən amanda qalmaz, o evdə dualar müstəcab olmaz və o evə mələklər girməz” (Vəsailüş-şiə, 17-ci cild, səh. 315).

Mələklərin narazılığına səbəb olan səslərdən biri də zınqırov sədasıdır. Zınqırov səsi şeytana xas olan sədalardan sayılır. Burada qadınların ayaqlarına taxdıqları xalxalın cingiltisi xüsusi qeyd edilməlidir. Naməhrəmlərin diqqətini cəlb etmək üçün taxılan bütün bəzək əşyaları kimi zınqırov və xalxal da İslamda haramdır. Həzrət Mühəmməd Peyğəmbər (s) buyurub: “Özləri ilə köpək və zınqırov aparan yolçularla mələklər yoldaşlıq etməzlər” (Səhihü Müslim, hədis 2113 (5546)). Ümmül-möminin Aişə ayağında zınqırovlu xalxal olan qadınların onun evinə gəlməsinə icazə verməz, yalnız xalxalı ayağından çıxarandan sonra evə girmələrinə izn verər və deyərdi: “Allah Rəsulunun belə buyurduğunu eşitmişəm: “İçində zınqırov olan evə mələklər daxil olmazlar” (Sünənü Əbu Davud, hədis 4231).

Peyğəmbərdən rəvayət edilib ki, içərisində qohumluq əlaqələrini kəsən adamın olduğu qövmə mələklər nazil olmazlar (Kənzül-ümmal, 3-cü cild, səh. 367). Burada ümumilikdə qohumluq əlaqələrinə əhəmiyyət verməyən, bir-biri ilə soyuq davranan cəmiyyətlər nəzərdə tutulur. İslam müqəddəslərinin başqa hədislərindən də məlum olur ki, sileyi-rəhmə (qohumluq münasibətlərinə) diqqət yetirməmək bir çox fərdi və ictimai bəlalara yol açar. İmam Mühəmməd Baqir (ə) buyurub: “Sileyi-rəhim əməlləri saflaşdırar, sərvəti artırar, bəlanı uzaqladırar, (qiyamətdə) hesabı yüngülləşdirər və əcəli yubadar” (Üsulül-Kafi, İman və küfr kitabı, Sileyi-rəhim babı, hədis 4).

Peyğəmbər camaata əziyyət verməmək üçün soğan və sarımsaq yeyəndən sonra məscidə gəlməməyi tapşırmışdı. O həzrət bu barədə öz tapşırığını verdikdən sonra səbəbini izah edərək buyurmuşdu: “Mələklər də Adəm oğlunun narahat olduğu şeylərdən narahat olarlar”. Hədisdən görünür ki, soğan və sarımsaq yedikdən sonra məscidə gəlməməyin hikməti yalnız orada olan müsəlmanları deyil, həm də məscidin ziyarətinə gələn və möminləri müşayiət edən mələkləri narahat etməməkdir.

Əksinə, mələkləri özünə doğru cəlb edən vasitələrdən biri Quran tilavəti və zikr sədasıdır. Mələklər Quran oxunan məkanlara enər, ayələrə qulaq asar, Quran oxuyan adam üçün dua edərlər. İslam tarixindən məlumdur ki, mələklər Peyğəmbərin yanına enib, Onun Quran oxumasını dinləyərdilər. İmam Əli ibn Əbu Talib (ə) buyurub: “İçində Quran oxunan və Allah zikr edilən evin bərəkəti artar, o evə mələklər gələr, şeytanlar oradan qaçar. Ulduzlar yer əhlinə işıq saçdığı kimi, bu ev də səma əhlinə işıq saçar” (Üsulül-Kafi, 2-ci cild, səh. 610). Yenə o həzrət buyurub: “Evinizdə Quran oxumağı artırın. İçində Quran oxunan ev öz əhli üçün geniş olar, o evin xeyir-bərəkəti artar, mələklər o evə gələr, şeytanlar oradan uzaqlaşar. Amma içində Quran oxunmayan ev öz əhlinə dar gələr, xeyir-bərəkəti azalar, mələklər o evə gəlməz, şeytanlar oradan kənar durmazlar” (İbn Əbu Şeybə. Əl-Müsənnəf, 7-ci cild, səh. 167).

 

Kimdir fəqir?

 

“Fəqr” (fəqirlik) anlayışı dini ədəbiyyatda bir neçə mənada işlədilir. Ərəb dilindən tərcüməsi “yoxsul, kasıb, möhtac” deməkdir.

Mənaların birinə görə, bütün insanlar fəqirdirlər, çünki Allah-təalanın mərhəmətinə möhtacdırlar. Yalnız Allah qənidir (zəngindir, ehtiyacsızdır): “Allah zəngindir, siz isə yoxsulsunuz” (Mühəmməd, 38).

Digər mənaya görə, fəqirlik – maddi yoxsulluq, kasıblıq deməkdir. Bəzi ayə və hədislərdə bu cür fəqirlik insanın imanına zərər yetirə biləcək pis bir hal kimi göstərilir: “Şeytan sizi yoxsulluqla qorxudaraq, alçaq işlərə sövq edər…” (Bəqərə, 268). “Fəqirdənsə qəbir yaxşıdır” (İmam Əli (ə)). Fəqirliyin bu cür dəyərləndirilməsinin səbəbi budur ki, kasıb insan özünün və ailəsinin dolanışığını təmin etmək üçün başqalarına, hətta dinsiz və mənəviyyatsız şəxslərə də möhtac olar, bununla öz şəxsiyyətini, müstəqilliyini itirər, alçalar.

Bir qrup rəvayətlərdə isə fəqirlik bəyənilən bir hal kimi göstərilir. Hətta Həzrət Mühəmməd Peyğəmbərin (s): “Fəqir mənim fəxrimdir”, “Bu ümmətin ən yaxşıları fəqirlərdir” buyurduğu rəvayət olunur. İmam Əli (ə) isə: “Axirətdə insanların ən zəngini bu dünyada ən kasıb olanıdır” deyib. İmam Mühəmməd Baqir (ə) buyurub: “Kasıb möminlər cənnət bağlarına varlı möminlərdən 40 il əvvəl buraxılacaqlar”. Sonra imam öz fikrini belə açıqlayıb: “Təsəvvür et ki, gömrük məmuru iki gəmini yoxlayır. Gəmilərdən birinin boş olduğunu görəndə deyir ki, buraxın üzüb getsin. Amma o biri gəminin dolu olduğunu görəndə əmr verir ki, saxlasınlar (ta ki, içindəkiləri yoxlasın)”. Bu qismdən olan rəvayətlərdəki fəqirlik – Allahın verdiyinə razı olmaq, qənaətlə yaşamaq, dünyanın haram nemətlərindən qaçmaq mənalarını ifadə edir.

Fəqirlik yalnız maddi deyil, mənəvi yoxsulluğa da şamil olunur. Məsələn: “Nə çoxdur elə fəqir ki, bütün zənginlərdən daha zəngindir” (İmam Əli (ə)). Təsəvvüf aləmində də fəqirlik anlayışı məhz bu mənada qəbul edilir. “Deyirlər ki, iki cür fəqr var. Bunların birindən Peyğəmbər bizarlıq edib Allaha buyurub: “Fəqrdən sənə pənah aparıram”. Fəqrin o biri növü haqqında isə buyurub: “Fəqr fəxrimdir”. Birincisi küfrə, ikincisi haqqa yaxındır. Küfrə yaxın olan – qəlbin fəqirliyidir ki, elm, hikmət, əxlaq, səbir, təslim və təvəkkül qəlbdən gedər. Amma Peyğəmbərin fəxri olan fəqirlik budur ki, insan dünyanı atsın və bununla Allaha yaxın olsun” (Xacə Abdullah Ənsari. Kəşfül-əsrar).

İslam şəriətində fəqir elə şəxsə deyilir ki, özünün və ailəsinin bir illik dolanışıq xərcinə sahib deyil və bu məbləği qazanmaq im-kanından da məhrumdur. Belə insana maddi yardım göstərmək qalan müsəlmanların vəzifəsidir. Şəriətdə vacib buyurulan ehsanat (zəkat, fitrə zəkatı, fidyə, kəffarə), həmçinin, sədəqə bu cür şəxslərə ünvanlanmalıdır.

Fəqirə yardım göstərmək İslamda savab sayılır. Əksinə, fəqirə təhqir gözü ilə baxmaq, kasıblığına görə onu alçaltmaq, könlünü qırmaq çox böyük günahlardandır.

Dinimizdə fəqirin də özünü aparma qay-daları barədə bəzi göstərişlər vardır. Fəqir şəxs özünü zəlil şəklə salmamalı, şəxsiyyətini alçaltmamalı, yeri gəldi-gəlmədi ətrafdakılardan yardım ummamalıdır. Həmişə ruzi axtarışında olmalıdır, işləyə bilirsə, qazancını halal zəhmətlə əldə etməyə çalışmalıdır, verilənə qane olmalıdır. Qurani-kərimdə belə şəxslərin rəftarı təqdirəlayiq sayılıb: “Sədəqə Allah yolunda canından keçərək, yer üzündə hərəkət edə bilməyən fəqirlər üçündür. Belə şəxslər həyalı olub dilənçilikdən çəkindiklərinə görə, nadanlar onları dövlətli hesab edirlər. (Ya Rəsulum!) Sən isə onları üzlərindən tanıyırsan. Onlar heç kəsdən israrla bir şey istəməzlər. Sizin mallarınızdan bunlara nə verdiyinizi, şübhəsiz ki, Allah bilir” (Bəqərə, 273).

 

Özünü gözə soxan adama etina etmə

 

XIX əsrdə İranda Molla Hadi Səbzəvari adlı böyük bir alim yaşayırdı. Hikmət və fəlsəfə elmlərində dərin savada, irfanda uca məqama sahib idi. Onun kəşfü-kəramətləri, insanı heyrətdə qoyan qeyri-adi əməlləri barədə çoxlu rəvayətlər var.

Molla Hadi Səbzəvarinin nəvəsi xatırlayırdı ki, bir gün qapılarına bir dərviş gəlir. O zamanlar qələndər dərvişlər şəhər meydanlarında qəsidə deyər, gözbağlıca oyunlar göstərərdilər, camaat da onlara pul verərdi. Bəzən isə dərvişlər özləri qapı-qapı gəzib pul yığardılar. Molla Hadinin evinə gələn dərviş də onlardan bir az yağ istəyir. Qapını açan xidmətçi elə bilirdi ki, evdə yağ qurtarıb. Ona görə də dərvişə “evdə yağ yoxdur” cavabını verir. Dərviş isə razı düşməyib deyir: “Filan otağın filan divarındakı taxçada yağ qoymusunuz. Onu gətir, mənə ver”. Nökər evə gedib deyilən yerə baxır, həqiqətən orada yağla dolu bardaq görür. Sən demə, bundan xeyli əvvəl nökər yağı ora qoyub, sonra yerini unudubmuş. Nökər ağasının yanına gəlib əhvalatı danışır, soruşur ki, yağı dərvişə verim ya verməyim. Səbzəvari heç bir təəccüb əlaməti göstərmir, sadəcə olaraq “ver” deyir.

Nökər otaqdan çıxandan sonra Səbzəvarinin nəvəsi babasına deyir: “Bu dərviş qeybdən xəbər verməyi bacarırmış. Qapıda dura-dura evimizin içində nə olduğunu söyləyir. Amma siz buna heç təəccüblənmədiniz. Niyə dərvişlə maraqlanmadınız? Onu çağırıb söhbət etsəydiniz, bu bacarığı haradan qazandığını soruşsaydınız yaxşı olmazdımı?”

Səbzəvari nəvəsinə belə cavab verir: “Bala, sən dərsini oxumaqla məşğul ol. Sənin vəzifən budur ki, oxuyub savadlı olasan, zehnin açılsın. Bu cür məsələlərlə fikrini qarışdırma. Mən ona görə dərvişə etina etmədim ki, o özünü gözə soxub mənim diqqətimi cəlb etmək istəyirdi. Dərvişin məqsədi yağ istəmək deyildi, bunu bəhanə edib öz bacarığını mənə göstərmək istəyirdi. Onun bu işi mənim üçün heç qəribə deyil. Çünki mən də bu kimi işləri bacarıram. Amma bunu da bilirəm ki, qeybdən xəbər verməyi bacaran adam qapı-qapı gəzib yağ dilənməz. Sən də bunu yadda saxla ki, özünü başqalarının gözünə soxan adama etina etmək lazım deyil”.

Bu yerdə dini kitabların birində yazılmış aşağıdakı sözləri xatırlamaq yerinə düşər: Əsl alimlə özünü alim sayıb gözə soxan adam arasındakı fərq, qiymətli ləl-cəvahirat alveri edən tacirlə ləbləbi satan adamın fərqinə bənzəyir. Ləl-cəvahirat taciri səhər gəlib dükanı açar, səliqə ilə oturub alverini edər, axşam da dükanın qapısını bağlayıb evinə gedər. Gündə cəmi bircə dəfə də alver etsə, ona bəsdir; çünki satdığı bir bəzək əşyasından yaxşı qazanc götürər. Amma ləbləbi satan səhərdən axşama kimi küçə-küçə gəzib haray salar. Gündə yüz ovuc ləbləbi satsa da, qazancı qəpik-quruş olar.

loading...
906 dəfə baxılıb

BƏNZƏR XƏBƏRLƏR

XƏBƏR LENTİ

30 Aprel - Günün qoroskopu
Dünyanın ən varlı adamları - Siyahı
Sosial mənzillərə qeydiyyat başlayır - Video
Vikipediyanın qurucusu: Türk xalqının yanındayam
Rusiyadan ABŞ-a nüvə xəbərdarlığı
Şovinist liderlə Zidanın qalmaqalı böyüyür
Avropa liderlərindən təcili Ərdoğan qərarı
Bakıda gimnastlar mükafatlandırıldı - Foto
Rusiyada Don çayından ABŞ tankı tapıldı - Müəmmalı olay
AB İngiltərə ilə bağlı qərarını verdi
Pakistanda böyük mitinqlər başladı
Kim Çen nə qədər raket sınağı keçirib?
“Putin imperiyanın bərpası üçün hər şeyə əl atır”
İlk dəfə baş köçürüldü – Tibb dünyası şokda
O, Albaniyanın prezidenti oldu
Dünyanın ən təhlükəsiz smartfonu təqdim edildi
Bakı “Avroviziya”da yenidən qalib ola bilər
Tramp bu lideri təriflədi: Dostumdur
Ərdoğandan dünyanı lərzəyə gətirən çıxış
Səddamı devirib, İrana qapı açdıq – ABŞ generalı
Sabahın hava proqnozu açıqlandı
Dünya prezidentlərinin aylıq əmək haqqları açıqlandı
Xidmət müddəti artırıldı: Düşmən ordusunda xaos
ABŞ Türkiyəni PKK-ya satıb – Şok iddia
Azərbaycanlı Monte Karloda 188 min uddu
Almaniyada niqab qadağan olundu
Azərbaycan “Avroviziya”nın liderləri sırasında
Putin uğur düsturunu dedi
Prezident İlham Əliyevdən
Təbriz filmi “Fəcr”in bütün mükafatlarını aldı - Video
Prezident İlham Əliyev 1 sərəncam, 3 fərman imzaladı
I vitse-prezident qızının xeyriyyə sərgisində - Foto
“Onların müdafiəsinə çoxlu pul xərcləyirik, amma...”
Türkiyə Avropanın pulunu kəsdi: Peşman olacaqlar
ABŞ İrandan tələb etdi: Onları dərhal azad edin!
Ərdoğanın baş müşaviri Moskvada danışdı: İmkan verin...
XİN bu musiqiçiləri qara siyahıya salır
AMEA adlı mükafatlarını təqdim etdi
Güzəştli evlər üçün tələb olunan - Sənədlər
Kəmaləddin Heydərov Qobustanda qəbul keçirdi
Oqtay Əsədov Çavuşoğlu ilə danışdı
Sabah yağış yağacaq - Proqnoz
Ramiz Mehdiyev AMEA yığıncağına qatıldı - Foto
Ailə lotoreyada 83,4 milyon avro uddu
Putindən Şimali Koreya ilə bağlı çağırış
Fransaya susanların Türkiyəyə
Məşhur müğənni uşaqlarının atasına ərə getdi
Rusiyadan ABŞ-a növbəti ittiham: Birbaşa günahkarsınız
Kəndimizin son günü (47-ci yazı)
28 Aprel - Günün qoroskopu
Türkiyə YPG-ni vurmağa başladı: Əlavə qüvvələr yeridilir
Rusiyalı müxalifətçi liderinə hücum edildi
Turistlərlə gələn bələdçilərə yeni şərt qoyula bilər
Türkiyədə referendumun qəti nəticəsi açıqlandı
Rusiyadan növbəti Türkiyə açıqlaması: Narahatıq
ABŞ tarixin ən güclü silahını hazırlayır - Rusiya
Fuad Ələsgərov: Korrupsiya ilə mübarizə Azərbaycanda göstərilən siyasi iradənin təcəssümüdür
145 min lirəyə görə saqqal buraxır
ABŞ və Rusiya arasında nüvə savaşı mümkündür - Puşkov
Bakıdakı kriminal savaşın dəhşətli sonluğu - Video/18+
Trampdan Pentaqona böyük səlahiyyət
Ermənistan milyonlarla insanı təhlükə ilə üz-üzə qoyur - XİN
Gənc lider gerilədi: millətçi Le Penin səsi artır
Qarabağın həllinə doğru... - Məqalə
Bakıda keçiriləcək oyunlar Qətər mediasında - Foto
Xarici İşlər naziri Lyuk Devinlə tərəfdaşlıq sazişini müzakirə etdi
Rusiya hərbi birləşmələrini Suriyadan çıxarır
Ermənistanda gərginlik: Aksiya davam edir
Bu ölkələrin generalları Moskvaya toplaşdı
Prezident İlham Əliyev sərəncam imzaladı
Ramil Usubov Türkiyənin ordu generalı ilə görüşdü
İsrail müstəqil Kürdüstanla bağlı rəsmi mövqeyini açıqladı
“Azərbaycan xalçaları” jurnalının 22-ci sayı nəşr olunub
Təbrizdə “Koroğlu” operası səsləndi - Foto
Türkiyə terror yuvasını vurdu, ABŞ ziyarət etdi – Şok video
FTX terakt törətmək istəyən İŞİD-çiləri yaxaladı - Video
Çin ikinci təyyarədaşıyan gəmisini suya buraxdı - Video
İranlı nazir Urmiya gölü haqda: Yağış yağsa…
Prezident İlham Əliyevə Kəbə ilə bağlı unikal hədiyyə - Foto
Prezident İlham Əliyev tarixi neft quyusu ilə tanış oldu - Foto
Ermənilərin “Vəd”i ABŞ-da rüsvay oldu - Video
Avropanın antitürk kampaniyası: rasist, faşist...
Venesuela Amerikanın ən nüfuzlu qurumundan çıxır
Baş prokuror Zakir Qaralov yeni prokuror təyin etdi
Koreya tarixinin ən böyük hərbi təlimini keçirdi
ABŞ Rusiyanı terrorçulara silah verməkdə suçladı
Kürd lider: PKK bölgədən getməlidir
Türk ordusu Suriyada PKK-nı yenidən hədəf aldı
FHN-dən xüsusi təlim: İslam Oyunlarına hazırlıq
Tramp rekorda imza atdı
Kəndimizin son günü (46-cı yazı)
Prezident İlham Əliyev ona “Şöhrət” ordeni verdi – İki sərəncam
AŞPA sədri üzr istədi: Rusiyanın tələsinə düşdük
ABŞ Avropadan bu malları idxal etməyəcək – Qadağa
Azərbaycan bu ölkəyə də yardım göndərdi
BMT-nin xərcləri nəzarətdən çıxıb - Tramp
Baş Prokurorluq və DİN Tovuzda filial müdirinin qətli ilə bağlı birgə məlumat yayıb
Rusiya Fransa seçkilərində: Makron hədəf alındı
    Təsisçi və Baş redaktor:
    TEYLOR FƏTİŞOĞLU

    Telefon:
    050 288 89 09

    Bakı, Mətbuat prospekti 529-cu məhəllə .
    Azərbaycan nəşriyyatı 9-cu mərtəbə.

    Email: ideologiya.az@gmail.com