İdeologiya.az Facebook-da

Zəhmət olmasa 7 saniyə gözləyin... Bağla
Müşfiqi ölümə aparan adam – Bağırovun sevimlisi |


Son dəqiqə

SOSİAL > Müşfiqi ölümə aparan adam – Bağırovun sevimlisi

Müşfiqi ölümə aparan adam – Bağırovun sevimlisi
Tarix : 16 Avqust 2014 0:33

Telefonuma gələn vaxtsız zənglərdən həmişə qorxmuşam. Gecədən çox keçmiş və səhər erkən olunan zənglərə cavab verməyə çəkinirəm. Bu dəfəki zəng də belə oldu. Saata baxdım – gecə üç. Nömrə tanış deyil. Kim olar?

 

 

Sən Şamil İsmayıloviç Vaqapovu tanıyırdın

 

- Bəli, eşidirəm.

- Bağışlayın, çox gecdir, bilirəm. Amma nəvəm dedi ki, siz hələ oyaqsız. Ona görə zəng vurdum.

 

 

O qədər də gümrah olmayan kişi səsi idi. Hiss olunurdu ki, vaxtsız zəngə görə özünü narahat edir. Qəfil zəng sahibinə nəvəsinin və özünün kim olduğu haqda verdiyim sual cavabsız qaldı. O:

 

- Nəvəm sizinlə FB dostudur. Mən sizi tanıyıram. Bir müddət bir idarədə – donanmada işləmişik. Sizdən xahişim var.

 

Bu lap detektiv filmlərindəki kimi idi. Mənim: – Buyurun, – deməyimin ardınca tanışlıq verdi. Tanıdım. Və müraciətindəki rəsmiyyəti kənara qoydu:

 

- Sən Şamil İsmayıloviç Vaqapovu tanıyırdın da…

- Yox, – dedim.

 

O, israrla:

 

- Yox, tanıyırdın. Sən cavan oğlan idin, o isə idarənin dispetçeri işləyirdi. “Moskva”da otururdu. (“Moskva” istismar müddəti başa çatmış böyük sərnişin gəmisi idi. İdarənin inzibati binası çox olmadığı üçün bir çox şöbələr burada yerləşirdi. Dispetçer xidməti də eləcə).

 

Yadıma düşdü.

 

- Hə, tanıyırdım, tatar idi.

 

Köhnə, 30 ilə yaxın bir müddətdə görmədiyim tanışım dediklərimi təsdiqlədi:

 

- Düzdür. Sən onunla mübahisə də etmişdin, söymüşdün onu, səndən idarə rəhbərliyinə şikayət etmişdi…

 

Hər şey yadıma düşürdü. Yadıma düşürdü ki, Donanmada çox adam Vaqapovdan çəkinirdi. Onun KQB-də himayədarının olması haqda söz-söhbət gəzirdi. Bəzi qocaman dənizçilər isə Şamil İsmayıloviçin KQB əməkdaşı olduğunu da deyirdilər. O, qatı kommunist idi. Şax yeriyərdi. Başını isə həmişə yuxarı tutardı. Yaxşı adam təsiri bağışlamırdı. Onun haqda müxtəlif söz-söhbətlər dolaşırdı. Bayramlarda sinəsi medalla dolu olan dənizçi kiteli geyinərdi. Adi günlərdə isə medalların lenti taxılmış qara rəngli kostyum geyinərdi. İri sifəti, qıyıq gözləri vardı. Hər kəsə yuxarıdan aşağı baxırdı.

 

 

Mikayıl Müşfiqi son görənlərdən

 

 

Bütün bunları yadıma salıb vaxtsız “qonağ”ıma dedim:

 

- Hə, yadıma düşdü, xatırlayıram onu. Bəs telefonumu kimdən öyrəndiniz?

- Telefonunu 5 gündür əldə etmişəm. Nəvəm  sənin dostlarından öyrənib. Həm də idarədən də öyrənmək olardı.

- Bilmək istəyirəm, bu vaxtı sizi nə narahat edir? Vaqapovu niyə xatırladınız?

- Şamil İsmayıloviç partiyanın sədaqətli əsgəri olsa da, millətimizin düşməni idi. Ondan yaz. Araşdır onu. Mikayıl Müşfiqi son görənlərdən olub… Onda o cavan oğlan imiş, təzə işə götürülübmüş.

- Bunu sizə özü danışmışdı?

- Yox, eşitmişdim. Kapitanlardan birinə danışıbmış…

- Siz mənə yardımçı olmalısız.

- Mən bildiyimi deyərəm. Nömrəm telefonuna düşüb, lazım olsa zəng elə…

 

Sağollaşdıq.

 

Yadıma gənclik illərində Xəzər Dəniz Neft Donanmasında işlədiyim vaxtlar düşdü. Şamil Vaqapov “Moskva” gəmisində oturardı. Növbədə olmayan vaxtlarda da burada olardı. Mənim ondan xoşum gəlmirdi. Buna səbəb gəmi kapitanlarının onunla mehriban dolanması və bu mehribançılığın arxasında bir qorxunun hiss olunması idi…

 

Qəfil zəngin səhəri yaddaşımın köməkliyi ilə köhnə dənizçilərin yaddaşını vərəqlədim. Onu tanıyanların  bəzisində köhnənin xofunu hiss etdim. Bəzilərinin bilgisi isə Şamil İsmayılov Vaqapovun Azərbaycan Kommunist Partiyasının Birinci katibi olmuş Mircəfər Bağırovun mühafizə dəstəsində olmasına, onu daima izləməsinə və bəzi “vətən xainlərinin” danışıqlara aparılarkən onlara verdiyi işgəncələrə qədər çatdı.

 

 

Şairin öldürülməsində də iştirak edib

 

 

O günləri yada salanlar onu da dedilər ki, Vaqapov şair Mikayıl Müşfiqin dindilməsində də iştirak edib. Eşitdiklərinə görə, şairə işgəncə də verib…

 

Vaxtı ilə XDND-nin gəmi kapitanının siyasi məsələlər üzrə birinci köməkçisi işləmiş, indi isə donanmada sahə rəisi vəzifəsində çalışan Cəsarət İbrahimovla görüşdüm. Cəsarət bəy Vaqapovu yaxşı tanıdığını, lakin yaş fərqlərinin çox olmasını nəzərə alaraq onunla elə də münasibət qurmadığını dedi:

 

- Şamil İsmayıloviç idarənin dispetçeri işləyirdi. O, aktiv bir işçi və kommunist kimi çoxlarına nümunə göstərilsə də, mənim onunla heç bir yaxın münasibətim olmayıb. Bildiyim ancaq o idi ki, bu adamın çox zəngin təcrübəyə malik keçmişi olub. Gənclik illərində çekist olub. 1930-cu illərin sonlarından isə Mircəfər Bağırovun mühafizə dəstəsində olub. Onu müşayiət edib. Deyilənlərə inansaq, Vaqapov heç də yaxşı insan olmayıb. İnsanların əziyyət çəkməsində, incidilməsində xüsusi xidməti olub…

 

- Onun Müşfiqlə bağlı hər hansı bağlılığının olduğunu eşitməmişdiz?

 

- Söz-söhbət gəzirdi ki, şair Mikayıl Müşfiqin öldürülməsində də iştirak edib. Amma bu, inandırıcı gəlmirdi.

- Niyə?

- Bilmirəm. O, Bağırovun mühafizə dəstəsində xidmət edib. Ölüm hökmünü icra edənlər isə başqa adamlar olub…

 

Təqaüddə olan gəmi kapitanı Kərəm Məmmədovun Vaqapovla bağlı bilgilərinin daha çox olacağını deyən Cəsarət bəy:

 

- Özünü dağa-daşa salma, Kərəmin bilmədikləri olmayan hadisələr olar ancaq. O, Vaqapovu yaxşı tanıyırdı və dəfələrlə onunla ağızlaşıb da…

 

 

O bizim milləti heç sevmirdi

 

 

Kərəm Məmmədovun Sulutəpədəki evinə getdim. Qocaman kapitanla ötənləri yada saldıqdan sonra:

 

- Vaqapov yadına düşürmü? – deyə soruşdum.

- Ayə, o hancarı yaddan çıxar, – deyib, – sual verməkdən də qalmadı. – Neynirsən onu, elə yaxşı kapitanlarımız, qəhrəman övladlarımız olub, onlardan niyə yazmırsan?

 

Kərəm müəllimlə razılaşdıq ki, onun xatirə dəftərini yaxın günlərdə vərəqləyərik, indi isə KQB əməkdaşı olduğu deyilən Vaqapovla maraqlanıram.

Gəlişimdən qabaq hazırladığı samovar çayını stəkanlara süzdükdən sonra Vaqapovla bağlı bildiklərini dedi:

 

- Əvvəlcədən deyim ki, o adamda çoxlu sirr vardı və o sirləri özü ilə apardı o dünyaya. İndiki ağlımız olsa idi, onu danışdırardıq. Bildiyim odur ki, o bizim milləti heç sevmirdi. Bacardıqca pislik etmək istəyirdi. Ermənilər, ruslar və başqa millətlərlə daha mehriban idi. Biz gənc kapitanları isə heç sevməzdi. Onun düşüncəsinə görə azərbaycanlılar gəmilərdə kapitan ola bilməzdi.

 

 

Bağırovn Qazaxda dostu varmış

 

 

- Bəs deyirlər onunla aran yaxşı olub, bir yerdə çox olmusuz.

- Mən onun yanında olurdum. Kapitan idim, bəzən özüm qalxardım dispetçer otağına. Amma aram yaxşı olmayıb. Hətta ağızlaşdığımız vaxtlar da olub. Amma sənə deyim ki o, danışmağa meylli adam idi. Mənə də çox şeylər danışıb. Məsələn, deyirdi ki, Bağırovun mühafizədə ən çox güvəndiyi adam mən və Qazax millətindən olan bir adam idi. Onu yaşadığı evdən, indiki İncəsənət muzeyindən MK-ya qədər izləyərdik. Daima piyada gedərdi işə. Yaxınlaşmazdıq. Gedəcəyi rayonlara xəbərsiz gedərdi. Qabaqcadan mən gedərdim, onun təhlükəsizliyi ilə bağlı işlər görərdim. Gəncədə, Şəmkirdə, Tovuzda olanda heç vaxt orada gecələməzdi. Qazaxda bir dostu vardı və həmişə onun evində qalardı. Bir dəfə mən Qazaxa getdim. Səhər tezdən çatdım ora. Axşama Bağırov gələcəkdi. Gördüm ki, həmin evin ətrafı milislərlə doludur. Milis rəisi haradansa eşidibmiş ki, Bağırov gələcək. O, təmtəraqlı qarşılanmanı sevməzmiş. Qovdum milisləri ordan. Ev sahibi ilə söhbət etdim, özüm ətrafa nəzarət etdim. Axşamüstü gəldi. İki dost oturdular həyətdə. Orada gecələdi, səhər Bakıya qayıtdı.

 

 

Kolxoz sədrinin inəkləri

 

 

Bir dəfə də hansısa rayona gedirmişlər. Bilmirəm Ucar, ya Göyçay olub. Kürdəmir də ola bilərmiş Bağırov “M-1”-də, Vaqpov və həmin qazax millətindən olan digər mühafizəçi isə “Pobeda” maşınında imiş. 1948-49-cu illərmiş. Pambıq sahəsinin yanından keçəndə görüb ki, 3-4 heyvan pambıqlıqda otlayır. Maşını saxlatdırır və bir qədər aralıda dayanan adamı çağırır:

 

- Bu inəklər kimindir?

- Kolxoz sədrinin.

 

Sonrada əlavə olaraq öyrənir ki, sədrin malları həmişə pambıq sahəsində olur. Bu adam da qoruqçu imiş. Dedi ki, sədr, anbardar, hesabdar kolxozu dağıdır. Bağırov da ona deyir ki, sabah axşamüstü geri qayıdanda kəndə gələcəm. Sədrə de, camaatı toplasın meydana.

 

Səhəri gəldik. Sədr də orada idi. Rayon rəhbərliyi də. Bağırov dünənki qoruqçunu çağırdı. Qoruqçuya dünən dediklərini təkrar dedirtdi.

 

Qoruqçu dünən olan söhbəti danışır. Əlavə edir:

 

- Sədrə dedim ki, belə bir adam belə bir maşında mənə dedi, sədrə de, camaatı yığsın. Mənə yalvardı, yaxardı, iki inək, taxıl göndərdi ki, sözünü geri götür, de ki, sədrin malları deyil. Bu adam Bağırov ola bilər. Mən də dedim ki, mən o kişiyə yalan demərəm.

 

Vaqapov deyir ki, həmin qoruqçu kolxoz sədri təyin edildi. Sədri isə bizim “Pobeda”da Bakıya apardıq. Yazıq sədr yolda iki dəfə şalvarına qaçırdı. Sonrakı taleyindən xəbəri olmayıb, amma həmin kolxoz qabaqcıl kolxoz kimi tanınıb.

 

Kərəm müəllim Şamil Vaqapovun başqa bir xatirəsini danışır:

 

- Bir dəfə Bağırovu gözləyirmişlər ki, evdən çıxanda onu işə qədər mühafizə etsinlər. Elə bu vaxt bir “Qaz-21” evə yaxın yerdə dayanır. Tələsik qaçdıq ki, maşını götürsün. Xanəndə Qulu Əsgərov imiş. Dedi ki, maşın xarab olub, başım da çıxmır. Elə bu vaxt Bağırov evdən çıxdı və biz tez maşından aralandıq. O, Qulu Əsgərova yaxınlaşıb salamlaşır, sonra soruşur ki, niyə burda dayanmısan. Qulu Əsgərov deyir ki, bağışlayın, maşın xarab olub. Deyir, tələsmə, düzəlt maşınını və gedir.

 

Mikayıl Müşfiqin saxlanması

 

- Bəs, Kərəm müəllim, deyirlər ki, Vaqapov Mikayıl Müşfiqə işgəncə verirmiş.

- Hə, bu söhbət ağızlarda dolaşırdı. Bir dəfə ondan soruşdum. Dedi ki, çox vətən xainlərinin danışdırılmasının şahidi olub. Mikayıl Müşfiqin saxlanmasında, danışdırılmasında iştirak etməyib, o zaman o çox gənc imiş. Lakin müşahidə edib, görüb. Amma o çox əzazil adam olub. Onun bir oğlu vardı. Şikəst idi. 40 yaşı olardı o zaman, hələ evdən çölə çıxmamışdı. Bir dəfə o oğlundan bəhs edəndə dedi ki, məni bəzi anaların qarğışı tutub. Onlar mənə Allah balana göstərsin, deyib qarğış edərdilər…

 

Kərəm müəllim deyir ki, meydan hadisələri başlayana qədər o, idarədə idi. Birdən yoxa çıxdı. DTK-nın adamı idi. Özünü idarənin rəisi Donetskidən də üstün tuturdu. O, millətin qəzəbindən qorxdu. Amma onu danışdırmaq lazım imiş, onda çox sirr vardı…

Axar.az

 

loading...
443 dəfə baxılıb

BƏNZƏR XƏBƏRLƏR

XƏBƏR LENTİ

26 May - Günün qoroskopu
Ərdoğanla Makron arasında 20 milyardlıq razılaşma
Bakı polisi Somalidən gələn idmançıları axtarır
ABŞ bu ölkənin adalarını izləyir
Merkel Ərdoğandan o jurnalisti istədi
Trampdan kobud hərəkət: Baş naziri belə itələdi - Video
Kəndimizin son günü (55-ci yazı)
Prezident İlham Əliyev 6 fərman, 6 sərəncam imzaladı
Prezident İlham Əliyevdən Marqvelaşviliyə təbrik məktubu
Merkeldən Türkiyə açıqlaması: Tərk edəcəyik
İspaniya: Kataloniya müstəqil olmayacaq
Daha bir KİV rəhbərinə xəbərdarlıq edildi
İşsizliyə görə sığorta bu şəxslərə veriləcək – Qanun
Melaniya axır ki, Trampın əlini tutdu - Foto
Bakı və Ankara İrəvanı məğlub edəcək – Millət vəkili
Britaniya ABŞ-a bu məlumatları daha verməyəcək
Türkiyədə 105 min şəxs həbs edilə bilər
Aqronom polkovnik Raqub Məmmədov və Tərtərdə ifşa olunan xəyanətkar cəsus şəbəkə - Düşünməyə dəyər
25 May - Günün qoroskopu
Ölkəmizdə 2020-ci ilədək hansı tədbirlər keçiriləcək? - Siyahı
Nazir: FETÖ şəbəkəsi uğur qazansaydı...
Prezident İlham Əliyev fərman imzaladı
ABŞ Rusiyaya qarşı xərclərini artırır
Dünya liderlərindən Prezident İlham Əliyevə - Məktub
Prezident İlham Əliyevdən mühüm fərman - Güzəştli mənzil
Cocuq Mərcanlıda ev, məktəb, məscid... - Video
Rəcəb Tayyib Ərdoğan Prezident İlham Əliyevə təbrik məktubu yazdı
Binəli Yıldırım sədr seçildi
Baş Prokurorluğunda Avropa Komissiyası ilə birgə tədbir keçirilib - Foto
Mehriban Əliyevanın fəaliyyəti yeni modeldir – Xarici KİV
İslam dünyası şokda: Trampın arvadı... - Foto
FSB-dən İŞİD-lə bağlı pis xəbər
Kəmaləddin Heydərov vətəndaşlarla görüşdü
Maradona və Fətullah Gülən birlikdə - Foto
Şoyqu: Bu 3 ölkə bizə lazımdır
Əli Abbasova yeni vəzifə verildi
Ramazan ayı mayın 27-də başlayır - Fitva
24 May - Günün qoroskopu
Alman əsgərləri Türkiyədən çıxarılır? - Nazirdən açıqlama
İki gündür internet niyə zəifləyib?
Rusiya Talibana silah göndərir?
Baş nazirdən FETÖ şəbəkəsi ilə bağlı açıqlama
Avropa cavab zərbəsinə hazırdır – Mançester teraktı
Bakıda beynəlxalq konfrans və sərgi keçiriləcək
Ukraynalı xanım Sülh Platformasının səfiri təyin edildi
Azərbaycan və Bolqarıstan Baş Prokurorluqları arasında əməkdaşlıq uğurla davam etdirilir
Hindistan ordusu Pakistana hücum etdi
İngilis kəşfiyyatının zəif nöqtəsi.. - Rusiya
Tarif Şurasından yeni qərar
6 ölkə başçısı Prezident İlham Əliyevi təbrik etdi
İslamiadada bilet satışından nə qədər qazandıq?
Baş Prokurorluq daha bir sayta xəbərdarlıq etdi
Ayfon-8 həyəcanı - Qiymətlər
Müdafiə nazirləri Tiflisdə görüşdü - Foto
Putinin şəxsi aşpazı Ermənistanı qarışdırdı
Sabahın hava proqnozu açıqlandı
Tramp xərcləri 3,6 trilyon dollar azaldır
23 May - Günün qoroskopu
Melaniya İsraildə Trampın əlindən tutmadı - Video
Azərbaycanın gözlənilən treyleri yayımlandı - Video
İslamiadanın bağlanış mərasimi yekunlaşdı
Tədris ili nə zaman başa çatmalıdır? - Video
Kəndimizin son günü (54-cü yazı)
Makronun qələbəsi: Daxili ziddiyyətlər...
Türkiyə ilə bağlı bu qadağa qüvvədə qalacaq - Medvedyev
Əli və Ninonun hekayəsi Lüksemburqda - Foto
Polşa müsəlman qaçqınları qəbul etməyəcək - Kaçinski
Preziden İlham Əliyevdən Firəngiz Əlizadə ilə bağlı - Qərar
Rusiyada “Putinqrad” şəhəri ola bilər
İran: ABŞ iranafobiya yayır
Prezident İlham Əliyev şeyxi qəbul etdi - Foto
İslamiada barədə maraqlı - Statistika
Prezident İlham Əliyev 3 sərəncam imzaladı
Zaxarova Makkeynin təhqirinə cavab verdi: Yazıq...
Le Pen AB siyasətindən imtina etdi
İsrail Trampın Yaxın Şərq siyasətini dəstəklədi
Çin ABŞ-dan 100 gün istədi: Pxenyana görə
Çox böyük potensial var – Zakir Həsənov
Zərif Trampa söz atdı: 11 Sentyabrı kim törədib?
Qarabağ məsələsi Yaponiya parlamentində - Foto
Zakir Həsənov Gürcüstanda belə qarşılandı - Foto
22 May - Günün qoroskopu
Nazarbayev Trampla görüşdü
Hüseyn Cavidin xanımı Stalinə nələr yazmışdı? – Məktub
Millimiz Bakı-2017-nin qalibi oldu
TV-lərimizin reytinqi ilk dəfə açıqlandı – Cədvəl
Medvedyev Türkiyəyə gəldi
Putin Parisə gedir? - Kremldən açıqlama
İŞİD-ə böyük zərbə: Xüms alındı
Davudoğlu Ərdoğanı belə təbrik etdi
Prezident İlham Əliyev Rəcəb Tayyib Ərdoğanı təbrik etdi
Prezident İlham Əliyev Ərəb-İslam-Amerika sammitində - Foto
Ərdoğan partiya sədri seçildi
İslamiadada qızıl medallarımızın sayı 70-ə çatdı
Mariya Stadnik İslamiadanın çempionu oldu
Qalmaqallı Filippin prezidenti Rusiyaya üz tutdu
Çoban Pərvinin daha bir ifası yayıldı - Video
İslamiada: Azərbaycan üzgüçüsü qızıl medal qazandı
Ruhaninin qələbəsini qeyd etmək qadağan edildi
    Təsisçi və Baş redaktor:
    TEYLOR FƏTİŞOĞLU

    Telefon:
    050 288 89 09

    Bakı, Mətbuat prospekti 529-cu məhəllə .
    Azərbaycan nəşriyyatı 9-cu mərtəbə.

    Email: ideologiya.az@gmail.com